Meer privaatheid met twee webblaaiers

Ek is vroegaand dié week by 'n vriend se huis toe my Google-selfoon my daaraan herinner dat ek so vier minute nodig het om by my volgende afspraak uit te kom. Hoe weet Google, Facebook en ander so baie van ons en wil ons iets daaraan doen? Oor die selfoon kan ek nie veel sê nie maar ek glo dis daar 'n hopelose saak, soos Richard Stallman onlangs in 'n lesing by Wits verduidelik het. Op 'n gewone rekenaar het 'n mens egter 'n bietjie meer hoop. Die beste is om TOR te gebruik vir Internet-toegang maar in my ervaring is dit dikwels maar stadig.

'n Baie eenvoudiger manier om jouself 'n bietjie minder te laat naspoor is om eenvoudig twee verskillende webblaaiers (byvoorbeeld twee van Google Chrome, Opera, Firefox, Safari of Internet Explorer) te gebruik. Op die één, sê maar Google Chrome, gebruik 'n mens alles waarvoor jy moet aanteken, byvoorbeeld jou GMail en Facebook. Moet dan geen ander webbladsye in Google Chrome oopmaak nie! Wanneer jy dit sou doen, kan GMail en Facebook baie inligting oor jou bekom en die webbladsy wat jy besoek kan ook. Gebruik eerder byvoorbeeld Opera om ander webbladsye in oop te maak, insluitend jou bank. Jy sal sien dat daar dan geen +'e van Google of Facebook-boodskappe wat jou vertel wat jou vriende van hou meer in Opera gaan verskyn nie. Hierdie werk omdat webbladsye wat jy in Google Chrome oop het slegs inligting van en oor ander webbladsye in Google Chrome kan kry of uitruil maar nie daarbuite nie. Alles wat jy dan in Opera doen hoort dus nie direk deur Facebook of Google aan jou gekoppel te kan word nie.

When neither isn't at Kulula.com

The options are A, B, neither which is not the same as none of the above... Seriously?

If this is a Kulula joke, it is now becoming very tired!

Invlug-Internet op Emirates se A380

My perfekte somervakansie is verlede week afgerond deur 'n vlug op die boonste dek van 'n Emirates A380 vanaf Hong Kong na Doebai. Ek was heel gretig om die Internet-fasiliteit tydens die vlug te gebruik maar die WiFi-netwerk het 'n mens na 'n betaalbladsy herlei. Sover geen probleem, maar die tarief van $7,50 vir 5 megagreep het my laat terugdeins. Ek het later gelees dat dié diens, soos die aanboord-selfoonnetwerk, verskaf word deur middel van 'n enkele satellietverbinding en dit is natuurlik verstaanbaar nie goedkoop nie hoewel ek dink dit sou gaaf wees indien Emirates byvoorbeeld 'n sekere hoeveelheid data gratis per passasier sou verskaf (veral vir dié wat bo sit)! Nietemin, met Vodacom sou dieselfde hoeveelheid data op 'n buitelandse netwerk 'n mens R640,00 [sic] kos en ek verstaan dat die Emirates-diens byvoorbeeld beeldmateriaal saampers om die dataverbruik te verminder. Dit is seker nie hopeloos onredelik om vir $7,50 per (lang) vlug 'n WhatsApp-verbinding op die selfoon te hê nie. Ek sou graag weet hoeveel van die beskikbare kapasiteit van die satelliet-verbinding van vliegtuig na grond in praktyk deur Emirates-passasiers gebruik word.